VIDEO Christian Berthelsen toquvoq
Kalaallit atuakkiaannik taalliaannillu katersuilluni antologiiliorsimasoq, atuakkiortoq, ilinniusiortoq, ilinniartitsisoq, atuarfeqarfimmilu siornatigut pisortaq Christian Berthelsen, Christiaannguaq, 98-inik ukioqarluni toqukkut qimaguppoq.
Allattoq Mads Lynge
apriilip 23-at 2015 10:52
Christian Berthelsen Nuummi inunngorpoq, Nuummilu seminariami, Jonstrup Seminariamilu ilinniarsimasuulluni, soorlu aamma Danmarks Lærerhøjskolemi ilinniakkaminik 1945-mi naammassinnissimasoq.
Christian Berthelsen atuarfeqarnerup iluani ukiorpassuarni sulivoq, ilinniartitsisutut, siunnersortitut, skoleinspektøritut, atuarfeqarnermilu 1960-imit 1972-ip tungaanut pisortaalluni.
Radiostyrelsemi aamma ilaasortaavoq, soorlu aamma Knud Rasmussenip Højskoleata siulersuisuini ilaasortaasimasoq. Kalaallit Nunaata Naqiterisitsisarfiani ukiualunni aamma siulittaasuuvoq, soorlu aamma oqaatsivut allattaaserpullu pillugu ataatsiimiititaliami, nunallu aqqi pillugit aalajangiisartuni siulittaasuusimasoq.
Christian Berthelsen atuarfeqarnerup iluani ukiorpassuarni sulivoq, ilinniartitsisutut, siunnersortitut, skoleinspektøritut, atuarfeqarnermilu 1960-imit 1972-ip tungaanut pisortaalluni.
Radiostyrelsemi aamma ilaasortaavoq, soorlu aamma Knud Rasmussenip Højskoleata siulersuisuini ilaasortaasimasoq. Kalaallit Nunaata Naqiterisitsisarfiani ukiualunni aamma siulittaasuuvoq, soorlu aamma oqaatsivut allattaaserpullu pillugu ataatsiimiititaliami, nunallu aqqi pillugit aalajangiisartuni siulittaasuusimasoq.
Inuiaqatigiinni pissutsit pillugit oqalliseqataasoq
Christian Berthelsen inuiaqatigiinni pissutsinut aamma malinnaasuunermigut oqallissaarisuullunilu oqallinnermut peqataavoq, pingaartumik ilinniartitaanermut atuarfeqarnermullu tunngasunut oqalliseqataalluni.
Saniatigullu atuakkiortuuvoq allaaserisaqartartuullunilu. Eqqaamasalersaarutinik saqqummersitsinikuuvoq, inooqatigiinnik ilisimatusarnermut tunngasuni saqqummersitsisimalluni, kalaallillu atuakkiaannik taalliaannillu katersinermigut antologiimik kalaallisut, qallunaatut tuluttullu 1983-imi saqqummersitsisimalluni.
Christian Berthelsen nersornaatinik arlalinnik ukiut ingerlanerini tunineqarnikuuvoq. Det Grønlandske Selskabs Rink-medaljemik tunineqarnikuuvoq, Namminersornerullutillu Oqartussat nersornaasiuttagaannik "Nersornaat" sølviusumik 2002-mi nersornaaserneqarnikuulluni, Kalaallit Nunaannilu Atuakkiortut ataqqinaammik nersornaasiuttagaannik 2009-mi tunineqarluni.
AAMMA ATUARUK Christian Berthelsen Kalaallit Atuakkiortut aqagu nersornaasissavaat
Christian Berthelsen, Ilisimatusarfimmi ataqqinaammik siorna doktorinngortinneqarpoq.
Christian Berthelsen Hørsholmip oqaluffianit pingasunngornermi apriilip ulluisa 29-anni ilisaassasoq ilaqutaasa nalunaarutigaat.
Christian Berthelsen Hørsholmip oqaluffianit pingasunngornermi apriilip ulluisa 29-anni ilisaassasoq ilaqutaasa nalunaarutigaat.
