Chemnitz Larsenip IA peqatigalugu meeqqat sullikkusuppai

- Aalajangerniarnera uannut sapernarsimavoq, tassami Meeqqat Illersuisuattut aamma Meeqqat Siunnersuisoqatigiivini kiisalu Inuit Pisinnaatitaaffiinut Kalaallit Nunaata Siunnersuisoqatigiivini siulittaasutut sulinera assut nuannarisimavara. Suliat taakku pingaaruteqartuusutut isumaqarluartuusutullu isumaqarfigaakka.

- Paasisimavarali uanga politikerisut suliniuteqarnikkut meeqqat inuusuttullu annerusumik sullissinnaassallugit. Misilittakkakka tunngavigalugit ullumikkut meeqqat atugaasa pitsanngorsaaviginissaat politikkikkut naammattumik ukkanneqarnerat takusinnaanngilara

Aamma atuaruk Børnetalsmand vil skole børn for Grønlands fremtids skyld

- Suliffigisartakkanni tamani meeqqat inuusuttullu, aammalu allat sanngiissuseqartut atugarisamikkut inuiaqatigiinni pitsanngorsaaffigineqarnissaat sulissutigiuartarsimavara. Aalajangersimavunga – ilaquttakka isumasioqatigereerlugit – uanga politikerisut suliaqarnikkut pissutsit annerusumik sunniivigisinnaassallugit, tassalu qinigassanngortippunga, Aaja Chemnitz Larsen taama allappoq.

Naammamut suliaminut tunngatillugu paatsungasoqaqqunagu, Aaja Chemnitz Larsen sulinngiffeqareeruni aamma feeriassaaq, peqatigisaanillu aamma Transparency International Greenlandip siulersuisuini ukiuni marlunni ilaasortaaffigisaminit tunuassalluni.

Aamma atuaruk Aaja Chemnitz Larsen: Selvstyret fralægger sig ansvaret

Aaja Chemnitz Larsenip siulersuisunit oktobarip 16-iani tunuassaq, Meeqqallu Illersuisuisuunerminit sulinngiffeqarnera/feeriarnera oktobarip 30-ani aallartisaalluni. Qinersisoqareerpallu qanoq iliortoqassanersoq aalajangiiffiginiarpaa.

Inuit Ataqatigiit qinigassanngortitassai tamarmiusut ungasinngitsukkut nalunaarutigineqassaapput.