Canadamiut Inuusuttaasa Siunnersuisooqatigiivisa Sorlak suleqatiginialeraat

Canadami naggueqatitta inuusuttaasa siunnersuisooqatigiivi, The Inuit Youth Council, Iqalunni sapaatit-akunnerani uani ataatsimeersuarnertik naammassivaat.
Allattoq Marianne Stenbæk, Montreal, Canada
aggustip 27-at 2015 06:16
Nutserisoq Simon Uldum -

Nunani issittumiittuni naggueqatigiit Inuit inuusuttaasa suliniaqatigiiffii Inuusuttut Siunnersuisoqatigiivinit qaninnerusumik suleqatigineqarnissaat inuusuttut ataatsimeersuarneranni suliniutissatut aalajangiunneqartut ilagaat.

Tamatumunngalu alloriarneq siulleq tassaavoq Nunatsinni meeqqat inuusuttullu siunnersuisooqatigiivisa Sorlaap, Iqalunni ataatsimeersuarnermi pingasunik peqataatitaqartup suleqatigineqalernera. Inuusuttut siunnersuisooqatigiiffiisa marluusut isumaqatigiissutigaat akunnerminni attaveqaqatigiinneq pitsanngorsarneqassasoq aammalu pingaartitatik siunissami suleqatigiissutigisassallugit.

Aammattaaq Canadap issittuani naggueqatigiit Inuit ilisimatusaqalernissaat suliniutigineqassasoq Canadamiut Inuusuttaasa Siunnersuisooqatigiivinit aalajangiunneqarpoq.

Inuusuttut Siunnersuisooqatigiivisa siulittaasuata, Maatalii Okallip, ataatsimeersuarneq naggaserlugu tapersersortitik, tassalu Inuit utoqqartaat siuttuilu qujaniarfigai.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq