Canadami inuit inuusuttaat ilisimatusarneq pillugu katerisimaartinneqartut
Taamaammat IBM science campimik - tassalu ilisimatusarneq pillugu sammisaqartitsilluni aasaanerani katerisimaarnermik - sapaatip akunnerani uani aaqqissuussivoq. Katerisimaarnermi ullunik tallimanik sivisussuseqartumi peqataasut 20-iusut qulit aqqaneq-marlullu akornanni ukioqartut qarasaasiatigut teknologiimi nutaajunerpaat sammivaat.
Pingaartumillu inuusunnerit robottinik atuartitsivimmi angalatinneqarsinnaasunik suliaqarnissaq alutorsaatigalugu paasisaqarfigerusuppaat.
IBM-ip oqaaseqartartuata Lynn Petrisip tusagassiortunut oqaatigaa, suliffeqarfiup nammineq teknologii nutaaq aamma soqutigilluaraa aammalu ilisimasat naggueqatigiit Inuit inuusuttortaannut ingerlateqqissinnaanerat nuannersuullunilu pissarsiaqarluarnartoq.
Naggueqatigiit Inuit inuusuttortaat soraarummeeratik atuarfimmit aniinnartartut maannakkorpiaq amerlavallaarput.
Teknologiimillu sammisaqartitsilluni katerisimaartitsinerup Inuit inuusuttortaasa sivisunerusumik atuarnissaannut kajumilersitsisinnaanissaq neriuutaavoq, immaqalu namminneerlutik siunissami ilisimatuutut qarasaasialerinikkullu piginnaanilissuartut suliaqalerlutik.