Camp Centurymi saliinissaq Dansk Folkepartiip nukingiuttariaqarsorinngikkaa

USA'p Danmarkillu ataatsimoorlutik saliinissaq akisussaaffigigaat Dansk Folkepartimi nunanut allanut tunngasunut oqaaseqartartoq taama isumaqarpoq.

Saliinissaq nammineq isumagisariaqarpoq.

Dansk Folkeparti taama isumaqarpoq - aamma sorsunnerup nillertup nalaani Danmarkimut isumaqatigiissuteqarneq tunngavigalugu USA Nunatta avannaani sermip iluani sakkutooqarfiliaata sinnikui eqqarsaatigalugit.

Taamaattumik nunat marluk saliinissaq akisussaaffigaat, partiip oqaaseqartartua oqarpoq.

- Danskit amerikamiullu naalakkersuisuisa akisussaaffigaat. Isumaqatiissummi taakku suliaraat. Ilisimanngilara sunik ulorianartoqarsinnaanersoq. Kisianni qanorluunniit ikkaluarpat taakku naalakkersuisuisa saliinissaq isumagisariaqarpaat.

Immikkut ilisimasallit naapertorlugit sakkutooqarfiusimasoq siunissami nueriataarsinnaavoq toqunartulinnillu aammalu qinngualanernik radioaktiviusunik sermip aanneratigut siaruarterilerluni.

Qanorli sukkatigisumik taamaalinissaa ilisimaneqanngilaq.

   VIDEO TAKUUK USA-p sakkutooqarfia Camp Century pillugu fimiliaq isertuussaq

Naatsorsuigallarnerit ullutsinneersut naapertorlugit aatsaat ukiut 70-it qaangiuppata taama pisoqarsinnaavoq. Søren Espersenilu nukinnguteqannilaq.

- Siulittuutit taama ittut upperissanerlugit ilisimanngilara. Ukiummi immaqa 20-it, 50-it hundredelluunniit taaneqarput. Isumaqarpunga taamaaliussagutta eqqissisimaaqqaartariaqartugut. Isumagami malillugu maannakkorpiaq aarlerinartoqanngilaq, Espersen oqarpoq.

USA'p Nunatsinni suliarisimasaani saliinissanut tunngasuni Camp Century-mut suliaq ilaaginnarpoq.

Politikerilli arlallit oqaatigisimasaattut isumaqarpunga Illersornissamut isumaqatigiissut Danmarkip, Kalaallit Nunaata USA-llu akornanni isumaqatigiinniutigeqqittariaqanngittoq, Søren Espersen isumaqarpoq.

Aamma atuaruk Immikkut ilisimasalik: Camp Centurymi saliinissamik isumaqatigiissusiortoqarsimanngilaq