Camp CenturyAssi: Jon Fresch

Camp Centurymi mingutsitsineq Danmarkip misissuiffiginiaraa

Danskit naalagaaffiat Camp Centurymi mingutsitsineq maanna misissornialerpaat. Nunanut allanut naalakkersuisoq, Vittus Qujaukitsoq, aviisimi allaatigisami, AG-mi ullumi saqqummertumi taama allappoq.

Amerikamiut sakkutooqarfigisimasaanni Camp Centurymi mingutsitsineq pillugu suliami angusaqarluartoqarsimasoq, Vittus Qujaukitsoq allaaserisami allappoq.

Silap pissusaata allanngoriartornera pissutigalugu sakkutooqarfimmit mingutsitsineq imaanut suppunneqarsinnaasoq, ilisimatuut siorna misissuinerata takutippaa. Ilaatigut avatangiisinut navianartoq, PCB, sakkutooqarfimmullu sarfamik pilersuisumit atomimik nukissiorfimmit imeq radioaktiviusunik qinngornilik tamatumani pineqarpoq.

AAMMA ATUARUK Camp Century pillugu politikkikkut aalajangiisoqarnissaa isumaqatigiissutigineqartoq

Qanorlu mingutsitsitigisinnaatigineranik danskit naalagaaffiata misissuitinnissaa Naalakkersuisut iluatsissimavaanngooq.

- Danskit naalagaaffiata Camp Centuryp eqqaani avatangiisinik, peqqissutsikkut qinngornerillu pillugit mingutsitsisimaneq pillugu misissuinissaat Naalakkersuisunit februaarip ulluisa qulingiluaanni 2016-imi akuersipput, Vittus Qujaukitsoq allaatigisamini allappoq.

AAMMA ATUARUK Kalaallit Nunaat Camp Centurymut akisussaaqataanngilaq

Misissuititsinissaq isumaqatiginninniarnerni Naalakkersuisunit angusaalluartutut Qujaukitsup taavaa, naak saliinissamut suli isummertoqanngikkaluartoq.

- Suliassarli suli annertoqaaq, saliinissarmi eqqarsaatigalugu qanoq iliuuseqarsinnaanermik Danmark suli akisussaaffimmik tigusinissaminut oqaaseqarsimanngilaq, Vittus Qujaukitsoq allappoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!