Brugsenimi siulersuisuunerit nutaat
Kalaallit Nunaanni Brugsenimi arfininngornermi maajip 28-ani ataatsimeersuartoqarpoq. Siulersuisuni ilaasortat 39-t pisiniarfinneersut ataatsimeersuaqataapput.
Allattoq Aaqqissuisoqarfik / Redaktionen
maajip 30-at 2016 11:31
Nutaamik siulittaasumik qinersisoqarpoq, tassanilu Nanortalimmiu Ib Lennert Olsen qinigaalluni. Tullersortitut qinigaasoq tassaavoq Sisimiormiu Svend Aage Olsen, Narsarmiorlu Benjamin Kielsen ilanngullugu taakku ulluinnarni aqutsisutut inissipput.
Siulersuisuunerit sinneri tassaapput: Petrine Thomsen (Qaqortoq), Frederik Petersen (Paamiut), Lars Jørgen Kleist (Nuuk), Aalipaaraq Kreutzmann (Maniitsoq), Mari Berthelsen (Maniitsoq, sulisut akornanni qinigaq).
Assimi takuneqarsinnaapput:
Benjamin Kielsen, Susanne Christensen (pisortaq), Petrine Thomsen, Mari Berthelsen, Lars Jørgen Kleist, Aalipaaraq Kreutzmann, Frederik Petersen, Jes Nyborg (tullersorti), Svend Aage Olsen, Ib Lennert Olsen.
