Bowiep toquneranit ukioq ataaseq qaangiuttoq nersornaaserneqartoq
Erinarsortartoq Tuluit Nunaanneersoq David Bowie ukiup ataatsip matuma siornatigut toquvoq, nipilersortartulli Tuluit Nunaanni ukiumoortumik nersornaaserneqartarneranni Bowie angutit akornanni erinniullaqqinnerpaatut nersornaaserneqarpoq. BBC taama allaaserisaqarpoq.
Allattoq Ritzau
februaarip 23-at 2017 13:12
Nutserisoq Mads Lynge
Erinarsortartoq taanna nersornaasiinermi immikkoortuni marlunni nersornaatisisussatut piukkunneqarpoq.
Amerikamiu filmiliaritittartup Michael C. Hallip nersornaat David Bowie sinnerlugu tiguaa.
AAMMA ATUARUK Erinarsortartoq David Bowie toquvoq
Tuluup nipilersortartup ilisimaneqarluartup kræfteqarnini siorna januaarimi toqqutigaa. Nuusiaata kingulliup "Blackstar"-ip saqqummersinneqarneranit ullut marluk qaangiutiinnartullu Bowie toquvoq.
Nuusiaq "Blackstar", Tuluit Nunaanni siorna nuusiani pitsaanerpaatut aamma nersornaaserneqarpoq. "Blackstar"-ip nersornaammik Brit Awardimik tunineqarnerani David Bowiep nuusiaa taamaasilluni siullerpaamik nersornaaserneqarpoq.
/ritzau/
