Borgmesterit Nuummi ataatsimiipput
Apriilip arfineq-pingajuanni kommuninut qinersisinissaq nallertinnagu kommunit allanngortinneqarnerannut atatillugu periaasissartik piareerniarpaat.
- Ulluni marlunni tulliuttuni siullertut isumannaagassarput tassaavoq kommuninngortussat sisamat pilersinnissaanut periusissat piareersassallugit, KANUKOKA-p siulittaasuata tullia Karl Lyberth ima oqarpoq.
- Suliat sumut killissimanersut oqallisigineqarnissaat ataatsimiinnermi siunertaavoq. Suliassat suli naammassineqanngitsut qanoq ilillugit naammassineqarnissaat aammalu allat misilittagaat assigiinngitsut qiviarlugit ilinniarfigalugit piaartumik aaqqitassat inissinnissaat pingaarnerpaajuvoq, Karl Lyberth oqarpoq.