Borgmesterip ujamii qanoq ittuussappat?
Niaqorluutinngortussat, taamatut oqartoqarsinnaappat, tullinnguuttut ilagaat borgmesterit ujamii qanoq isikkoqassappat. Kunngikkormiunik Qaanaamut tikittoqassagaluarpat kiap tikilluaqqussavai. KANUKOKA-p siulittaasua Søren Alaufesen, radioaviisimit aperaarput:
-Tassami soorunami aamma naatsorsuutigisariaqassaaq taakkua allannguuteqarsinnaanerat, Søren Alaufesen oqarpoq.
Avannaani kommunersuassaq Kangaatsiamiit Qaanaa-mut isorartusseqartussaammat aamma Qaanaarmiut Thulekæde-mik taaneqartartunik kusanartuliortarmata taamatut isikkoqarsinnaanerluni.
- Nalunngilara massakkut kommunioreersut soorlu Sisimiut Kangaatsiallu borgmesteriisa ujamii saanernit kalaallinit nunatsinneersunit kusanartumik suliaasut.
Taamaattumik neriuppunga kommuninngortussat eq-qumaffigilluassagaat nunatsinni eqqumiitsuliortut atorneqarnissaat, avammut nittarsaannissaat periarfissinniarlugu, Søren Alaufesen oqarpoq.
Aamma oqarpoq, qanoq isikkoqarumaarnissaa kommuninngortussat namminneq aalajangerumaaraat.
Assersuutigalugumi kunngikkormiut arlaat Qaanaamut tikeriataassagaluarpat kimit tikilluaqquneqassava ?
- Tassani apeqqutaavoq kunngikkormiunik malinnaatitsineq. Soorunami immaqa naatsorsuutigisariaqassaaq borgmesteri innuttaminut, tamatigut avataaninngaaneersunut siuttuusarnissaa, KANUKOKA-p siulittaasua Søren Alaufesen oqarpoq.
Avannaani kommunersuanngortussami kina borgmes-teriussanersoq, Avannaani Siumup Atassutillu, Aasian-ni tallimanngorpat isumaqatigiinniutigalugu aallartissa-radioaviisimi paasivarput.