Bo Lidegaard Politikenimi aaqqissuisuunertut atorfimminit soraarpoq
Bo Lidegaard aviisimi Politikenimi ukiuni tallimani aaqqissuisuunertut atorfeqareerluni soraarpoq. Aviisimi Informationimi aaqqissuisuunerup Christian Jenseip taarsissagaa, aviisi tusagassiorfinnut nalunaaruteqarluni allappoq.
Bo Lidegaard allaaserinnittartutut naliliisartutullu aviisimi ingerlaannassaaq.
JP/Politikens Husimi pisortaanerup, Stig Kirk Ørskovip, 43-nik ukiullip Christian Jensenip toqqarneqarneranut tunngavilersuutigaa tusagassiornikkut aqutsinermi pitsaalluinnartumik suliaqartuunera.
- Christian Jensen tusagassiornikkut pikkorissuseqarluinnartuuvoq aammalu aqutsillaqqilluinnartuulluni. Misissuilluni tusagassarsiorneq, misissueqqissaarineq paasissutissanillu ingerlatitseqqiineq pikkoriffigai, naqitaagaluarpata internettikkulluunniit saqqummiussassaagaluarpata. Christian Informationimik atuartartut peqataatinnissaat akuutinneqarnissaallu ukiut ingerlanerini iluatsilluarsimavaa, Stig Kirk Ørskov taama oqarpoq.
Christian Jensen atorfittaamini aggustip aallaqqaatani sulilissaaq.
/ritzau/