Birna Brjánsdóttirip angutaa: Kalaallit ikinngutigaagut
Islandimiup arnap toqutaasup Birna Brjánsdóttirip ataataata Islandimiut kaammaattorpai Kalaallit Nunaat nunatut eqqartuuteqqunagu, kalaallip ataatsip panimminut toqutsisimasutut pasisaanera pillugu.
Allattoq Anton Gundersen Lihn
februaarip 10-at 2017 07:19
Nutserisoq Jaaku Lyberth
Nittartagaq Sermitsiaq.ag taama allaaserisaqarpoq.
Attaveqaqatigiittarfimmi Facebookimi allaaserineqarpoq, arnap kalaallip Island qimanniarlugu aalajangersimasoq Islandimi akerartorneqarluni nilliaffigitinnerata kingorna, allaaserineqartorlu taanna Birnap angutaata qisuariarfigiaa.
Allaaserisami tassani Birnap ataataata, isummanik pigiliutiinnakkanik mianersoqqussuteqarpoq.
- Angutip ataatsip iliuusai pissutigalugit inuiaat tamakkerlugit eqqartuullugit pissussilersorneq assuaraara.
- Kalaallit ikinngutigaagut, ikinngutigiinneq taanna nukittorsartariaqarparput, killormuanik iliorata, Birnap ataataa attaveqaqatigiittarfimmi Facebookimi taama allappoq, aviisi Sermitsiaq.ag taama allaaserisaqarpoq.
