Biilit eqqussuunneqartut ukiut tallimat qaffarujussuartut
Anngaaraq Abelsen Qaqortumi biilinik tuniniaasaarfimmi KA Automeersup, 2013-mi biilit marluk tunivai. Siorna biilit 34-it tunisimallugit. Biilit tunineqarnerpaasartut ilagaat hybridinik kallerup inneranik ingerlassuteqartut.
- Biililt hybrinik ingerlataqartut nutaajugamik, benzinamut motorimullu akitsuuteqannginnamik, Abelsen oqarpoq, - biilit angisuujugaluarlutik motorafgiteqanngimmata pilerigersuaartarpaat, aamma ingerlakkuminarnermik, Anngaaraq Abelsen taama oqarpoq. 2013-imi bilit Kalaallit Nunaannut eqqussuunneqartut nalingi 26 million kr-niupput.
Kalaallit Nunaanni naatsorsueqqissaartarfiup kisitsisaatai naapertorlugit biilit nunatsinnut eqqussuunneqartut nalingi siorna qaffassimasut 60 million kr-nut, tassalu marloriaataat sinnerlugit.
AAMMA ATUARUK Biilit avatangiisinut mingutsitsinnginnerusut nuannarineqartut
Biilit hybridinik ingerlassuteqartut akitsuuteqanngitsut saniatigut biilit allat mikinerusut pisiarineqarluartarput, Anngaaraq Abelsen oqarpoq, akitsuutit aamma apeqqutaatinneqarlutik.
- Biilit mikinerusut orsussamik atuinikinnerupput aamma oqinnerugamik taava motorinut akitsuummik ukiup affaani annikinnerusumik akiliisarlutik, Anngaaraq Abelsen Qaqortumi biilinik tuniniaasarfimmi KA Automeersoq taama oqarpoq.
