PEQQARNIISAARNIARNEQ Barcelonami biili inuit tungaannut apuisoq

OPDATERET 17.40 Barcelonami illoqarfissuarmi tusaamasami La Ramblami biili usisaatitalik takornariat katersuuffigisartagaanni inunnut arlalinnut peqqarniitsumik sisamanngornermi apuivoq.
Assi © : Flickr/Bert Kaufmann
Allattoq Ritzau
aggustip 17-at 2017 17:43
Nutserisoq Bikki P. Kleist

Pisortat Twitterikkut uppernarsarpaat, peqqarniisaarnermi inuit 13-it toqutaasimasut. Inuit 50-it sinneqartut aqqunartiterput, aqqunartitertuni qallunaaq ataaseq ilaalluni.

Inuk ataaseq tigusarineqarpoq, pasineqartorlu inunnik apuisimasuunerarneqarpoq.

Peqqarniisaarniarluni pasisatut isigineqartoq, politiit unnummut nalunaaqutaq arfineq pingasunut ilisimatitsissutigigaat, nutaarsiassaqartitsivik AP allaaserisaqarpoq.

Biili qaqortoq usisaatilik uagut nalunaaqutarput malillugu ataatsimut inuinnarnut apuivoq.

TV-ikkut assit saqqummiunneqartut naapertorlugit inuit aqqunartitersimasut politiinit ikiorneqartut takutinneqarput.

Barcelonami peqqarniitsumik saassussineq takornariat katersuuffigisartagaanni La Ramblami pivoq.

Qallunaat Barcelonamiittut ajoqusersimanngitsut ilaquttatik kalerrissagaat, pisortanit kaammattorneqarput.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq