Ateq: Bentiaraq Ottosen
Partii: Atassut
Ukiut: 24-t
Ilinniagaq/suliffik: GUX Qaqortoq – Inuussutissarsiornermi Aningaasaqarnermik Ilisimatusarneq ilinniagaq unitsikkallarnikuusaq
Inuttut inissisimaneq (ilaquttat/qitornat): Aappaqarpunga nukaqarlungalu.
Sunngiffimmi soqutigisat: Kammalaatit ilaginissai, Ilaquttat, Timersorneq.
Folketingimut qinigaassaguit pingaarnertut sulissutigerusutatit pingasut suuppat?
Naalagaaffeqatigiinnerput nukittorsarneqassaaq iluaqutissartaalu annertunerusumik atorluarneqassallutik.
Nunatsinni illersornissaq annertusarneqassaaq, kiisalu sillimaniarnikkut upalungaarsimaneq annertusarneqassalluni.
Nunarput toqqaannarnerusumik avammut niueqateqartarnera annertusarneqassaaq nukittorsarneqassallunilu.
Kalaallit Danmarkimi najugaqartut pitsaasumik inuuneqarnissaat qanoq ilillutit qulakkeerinneqataaffigisinnaaviuk?
Tunngaviusumik inuit namminneerlutik nunami sumiluunniit pitsaasumik inuuneqarnissartik akisussaaffigivaat. Taamaattorli Kalaallit danmarkimiittut ikiorneqarnissaminnik pisariaqartitsisut ikiorumavagut.
Ilinniartullu pitsaanerpaamik artornanngitsumillu ilinniarnertik ingerlatissagunikku uagut pitsaanerpaamik aqqutissiuissaagut, ilinniareerlutillu naammassisimasut nunatsinnut angerlaqqinnissaat sulissutigiumallugu.
Folketingimut qinigaassaguit statsministerissatut sassartoq sorleq tapersersussaviuk?
Lars Løkke Rasmussen