Aalisarneq pillugu siunnersuisoqatigiinni siulittaasunngortoq
Bent Sørensen sulisitsisut peqatigiiffiannit GE-meersoq Aalisarneq pillugu siunnersuisoqatigiinni siulittaasunngorpoq.
Tamanna arfininngormat aalajangerneqarpoq.
Siulittaasuuffik KNAPK-p GE-llu akornanni ukiut ukioq allortarlugu paarlakaanneqartarpoq.
Sørensenip KNAPK-meersoq Petrus Biilmann taarserpaa.
Aalisarneq pillugu siunnersuisoqatigiit, aalisarnerup iluani soqutigisaqaqatigiinnik katitigaasut, Naalakkersuisunik aalisarneq pillugu siunnersuisuupput.