Benjamin Kielsen KAK-mi siulittaasunngorusuppoq: Meeqqat isikkammik arsartarnerat ineriartortinneqassaaq

Nunatsinni arsaannermi oqartussaasut qullersaanni ileqquusumik arfininngorneq novemberip arfernat ataatsimeersuartoqalerpat KAK-mi siulittaasoq Finn Meinel tunuarniarpoq.

KAK-mi siulersuisuni ilaasortaq Benjamin Kielsen siulittaasussatut maannamut sassartoq siulittaasunngorniarnissamik isumaliuteqartareerpoq.

- KAK-mi siulersuisuni ilaasortaasareerpungaa aamma siornatigut GBU-mik taaguuteqarallarmat. Siulittaasunngorniarnissara sivisuumik isumaliutigisareerpara, Benjamin Kielsen KNR-mut oqarpoq.

- Taamatut isumaliuteqarnera sakkortuseriaannarpoq Finn Meinel tunuarniarluni nalunaarmat, oqarpoq.

AAMMA ATUARUK Finn Meinel timersornermi siulersuisuniit tunuassamaalerpoq

Finn Meinel KAK-miit tunuartussanngornerminik nalunaarnerminut atatillugu KNR-mut ilisimatitsivoq kattuffik aningaasatigut patajaatsoq siuariartorluartunillu nunanut allanut unammisartoqartoq qimalerlugu.

- Ineriartornerup pitsaasup ingerlaannarnissaa sulissutigissavara. Aamma sulissutigerusoqaara meeqqat arsaattarnerisa inerisaaffigineqarnissaa, Benjamin Kielsen oqarpoq.

Siulittaasussarsiornermi unammisoqassagaluarpat taasinernik qulakkeerinissaq suliassat ilagaat.

- Siulittaasutut sassarninni siulersuisuni ilalerneqarpunga, Benjamin Kielsen oqarpoq.

Unammillerluni sassartoqarsinnaavoq ulloq taanna ataatsimeersuartoqarnerani arlallillu tassani sassarsinnaallutik.