BBC: Boris Johnson ministeriunertut tunuarniarpoq
Tuluit Nunaanni ministeriuneq Boris Johnson ministeriunertut tunuarniarpoq.
Tuluit Nunaanni tusagssiorfiit assigiinngitsut, BBC taakkununnga ilaalluni, sisamanngornermi taama allaaserisaqarput.
Boris Johnson akunnialuit ingerlaneranni oqaaseqarniartoq BBC-p nalunaarutigaa.
AAMMA ATUARUK Boris Johnsonip naalakkersuisoqatigiit ajornartoortut qimaannarumanngikkai
Boris Johnson partiimi talerperlermi konservatiivini siulittaasussamik nutaamik qinersisoqarnissaata tungaanut siulittaasutut issianiartoq, aviisit ilaanni The Sunimi tusagassiortut ilaata allaaseraa.
Boris Johnson ulluni kingullerni marlunni tatigineerukkiartuinnarsimavoq.
Ministerit, ministerillu tullersortaat 50-init ikinnerunngitsut Boris Johnson akerliuffiginiarlugu tuluit naalakkersuisoqatigiivinit tunuarsimapput.
Boris Johnson pillugu suliat assigiinngitsut piffissami kingullermi amerliartuinnavissimapput, ministeriunertullu issiaannarsinnaanissaa apeqquserneqarsimalluni.