Batmaniusaarluni toqoraasoq inuunermi sinnera paarnaarussuvimmiissaq
James Holm aamma inunnik 67-nik toqutseriarsimasutut pineqaatissinneqarpoq.
Batman pillugu filmeliap "The Dark Knight Rises"ip takutinneqarnerani James Holmes filmeriartunut eqqaassivoq.
Tamanna 2012-imi juulimi pivoq, gasmaskelerluni, niaqorornaveequserluni aatsumillu aqerlumit pitagassaanngitsulerluni saassussivoq - gassimik qulliliornartumik igeriusseriarluni aallaasit assigiinngitsut atorlugit isiginnaariat eqqaappai.
Eqqaassinermi nalaani nipilersuutinik technonik siutequserluni tusarnaarpai.
James Holmesip illersuisuisa eqqartuussinerup ingerlanneqarnerani, James Holmesip pinngitsuutinneqarnissaanik tunngavilersuisimagaluarput - Jamesip nammineerluni oqarnera naapertorlugu toqoraanermini eqqarsartaatsimigut pissusissarinngisamik iliuuseqarsimanerarpoq aammalu nipinik tusaasaqarsimanerarpoq toqoraanissaanik oqaluttunik.
