Banknordik ingerlalluartoq
Aningaaseriviulli nalikilliliineri 15 millionit koruuninut ikilisimapput siorna 40 millionit koruuniullutik, tamannalu ingerlatsinermi angusatigut 88 millionit koruuninik pitsanngoriaateqartitsivoq siorna 2014-imi ukiup affaanut siullermut naleqqiullugu 20 millionit koruuninik angusaqarfiunerulluni.
- Sullitatta amerliartorneri, taarsigassarsisitsisarnerup annertusinera, annikitsuinnarmik nalikillilerisoqarnera isertitattalu naatsorsuutigisatsitut amerlassuseqarnerat paasillugu nuannaarutissaavoq, Banknordikimi pisortaaneq, Janus Petersen, tusagassiorfinnut nalunaaruteqarluni taama allappoq.
Ukiumut angusassatut naatsorsuutigineqartut aalajangiusimaannarneqarput, nalikillilerinerit akileraarutillu ilanngaatiginagit 200 aamma 240 millionit akornanniissangatinneqarlutik.
Banknordik Savalimmiuni aningaaseriviit anginersaraat, aammali maani Nunatsinni Danmarkimilu arlalinnik immikkoortortaqarfeqarpoq aningaaseriviullu qullersaqarfia Koldingimiilluni.