Bankini kortinik atornerluinerit nunarput aamma eqqorpaa
Nunami allami qarasaasiakkut pisiniartarfimmi kortinut paasissutissat amerlajaat tillinneqarsimasut pasitsaanneqarpoq. Maannamut kortit atornerloriarneqarsimanngillat, piffissamili aggersumi qaninnermi atornerluiniartoqarsinnaanera ernummatigineqarluni.
GrønlandsBANKEN-imik atuisut 2600-it kortii eqqugaasimanissaasut Grønlandsbankenip oqaatigaa.
Atuisullu eqqorneqartut Netbankikkut toqqaannartumik saaffigineqassapput naatsorsuutigissallugulu piffissami qaninnermi kortitik nutaanik taarsertinneqarumaartut.
Netsimit kortillit nakkutigineqaqqissaarlutillu alaatsinaanneqarput tassanngalu erngertumik qisuariartoqassaaq, kortinnik atornerluiniarneq malussarfigineqassagaluarpat Netsimit unitsinneqarsinnaassapput.
- Internetikkut niuerniaraanni eqqarsarluartoqaqqaartassasoq inassutigiumavarput, Grønlandsbanken tusagassiuutinut taama ilaatigut allaaserisaqarpoq.
Pisut Netbanki aqqutigalugu malinnaavigineqarsinnaapput, eqqugaasimaguillu toqqaannartumik ilisimatinneqarumaarputit.
