Bank Nordik ilinniartunut legatimik nutaamik pilersitsivoq
Legatip ilinniartup ulluinnarni aningaasaqarnera oqilisaatissavaa.
Legati 25.000 koruuninik naleqartoq ukiumut marloriarluni ilinniartunut marlunnut tunniunneqartassaaq.
- Kalaallit Nunaanni sulisartut ataatsimut isigalugit pisinnaasaaqarnerulernissat pisariaqartoq kinguaariillu tulliuttut ilinniarsimassusaat qaffassarneqartariaqartoq takusinnaavarput. BankNordik-legati aqqutigalugu inuusuttut ilinniartuusut ilaasa ulluinnarni atugaat oqilisarsinnaavagut. BankNordikimi pisortaasoq Thomas Tyt Mogensen tusagissiutinut nalunaarluni taama allappoq.
Nunatsinni nunanilu allani ilinniartuusut Bank Nordik legatimik qinnuteqarsinnaapput.
Legatip atuagarsorlutik ilinniartuusunut aamma suliassanut ilinniartuusunut tunniunneqartarnisssaa pingaartinneqarpoq.
Legatimik qinnuteqarfissaq kingulleq tassaavoq 1. november 2017
