Baltimoremi ikaartarfiit ilaat ajalusoormat inuit arfinillit ajunaarsimassangatinneqartut
Baltmoremi ikaartarfiit ilaat ajalusooreersorlu maqaasineqartutut
nalunaarutigineqartut ujaarineqarnerat taamaatippoq, ujaarineqartullu ilaat arfinillit ajunaarsimassangatinneqarput.
Umiarsuup containerinik usisartup ikaartarfik Francis Scott Key ataasinngornermi unnukkut apormagu ikaartarfik ajalusoorpoq.
Allattoq Ritzau
marsip 27-at 2024 08:33
Nutserisoq Mads Lynge
USA-mi naalagaaffimmi Marylandimi illoqarfimmi Baltimoremi ikaartarfiit ilaat ajalusoormat, inuit arfinillit ajunaarsimanissaat ilimagineqarpoq.
Umiarsuup containerinik usisartup ikaartarfik Francis Scott Key ataasinngornermi unnukkut apormagu ikaartarfik ajalusoorpoq.
Inuit maqaasineqartutut nalunaarutigineqartut ujaarineqarnerat Baltimoremi oqartussat taamaatiinnarpaat.
Umiarsuaq ajunaalernermik kalerrisaaruteqarpoq, Baltimoremilu oqartussat ikaartarfik kingorna matuaat umiarsuarlu ikaartarfimmut aporluni. Sulisut ikaartarfimmiipput, umiarsuarlu ikaartarfimmut apormat suli tassaniillutik.
Ikaartarfik ajalusooreersorlu marluk annaanneqarsinnaasimapput, arfinillilli ajunaarsimassangatinneqarlutik.
Baltimoremi politiit taama nalunaaruteqarput.
