Balimi innermik anitsisartup qullaatsitai allamut illuariartulersut
Indonesiami qeqertami qaqqap innermik anitsisup qullaatsitaata allamut illuariartulernerisigut timmisartoqarfik Denpasar ammaqqinneqartoq, timmisartoqarfiup oqaaseqartartua Arie Ahsanurrohim nutaarsiassaqartitsivik AFP naapertorlugu taama oqarpoq.
Silaannartaq Indonesiami nalunaaqutaq malillugu ualikkut pingasunut ammarneqarpoq, tassalu nunatsinni nalunaaqutaq malillugu ullaassaq sisamanut.
Tamannalu takornarianut 120.000-init amerlanerusunut, qaqqap Angungip innermik anitsinera pissutigalugu Balimit ingerlaqqissinnaanngitsunut nutaarsiassaavoq nuannersoq.
Timmisartummi ataasinngormalli timmeqqusaasimanngillat.
Timmisartunullu siullernut ilaanissaq iluaqutaassaaq, timmisartoqarfik piffissaq sivitsunngitsoq matoqqinneqaratarsinnaammat. Qaqqammi innermik anitsisup qullaatsitai allamut illuariartoqqilersinnaapput taamaalisoqarpallu silaannartaq matuneqassaaq.
Qaqqaq innermik anitsinera sapaatit akunnerat kingulleq marlunngornermi pivoq silaannarmullu annertuupilussuarmik qullaatsitaqarluni.
Arfininngormallu anitseqqimmat qullaatsitai suli annertunerupput Denpasarimilu timmisartoqarfik ulluni pingasuni matoqqatinneqarpoq.
/ritzau/
