ASSIT AWG2016-imi nalliuttorsiornermi isiginnaartitsinersuaq
Alberta North, Alaska, Sapmi, Nunavut, Nunavik, Yukon, North West Territories, Yamal aamma Kalaallit Nunaat kusanarluinnartunik takutitsipput.
Oqalunnernik, qitinnermik, nutaalianik ileqqutoqqanillu nipilersuutinik, isigiinnaartitsinernik, torlorsornernik, Saamit niperujoornerannik (joik), qilaatersornermik agiarnermillu allarpassuarnillu unnuk imaqarpoq.
- Kulturitta ataqatigiinnarat kisiannilu assigiinnginnerat paasisaqarfigaarput, nutaaliornerit ileqqutoqqallu takuagut, ileqqutoqqallu nutaalianngorlugit ataqatigiilersinnerat pissanganarluinnartumik takullutigu. Misigivarpullu inuusuttuaqqat eqqumiitsuliortut ullutsinnut issittunilu kulturikkut pissusitoqqat ataatsimoortilluinnarlugit takutitsisoqartoq. Isumaqarpunga tamanna inuunermut kajumilersitsisorujussuusoq siunissamullu neriulersitsisorujussuulluni, AWG2016-imi General Manager Maliina Abelsen oqarpoq.
