VIDEO AWG-mi aaqqissuisoq imminut iluatsilluartutut nalilertoq

Inuusuttut timersortartut 2000-it Issittumiit futsalimi qamutit qulaallugit pissinnermittaaq unammiuaarniarlutik nuummukarmata, AWG-mi pisortap tullia unammiuaarnerit nalilissallugit tunuarsimaanngilaq.

- Unammiuaarnerit 10-mik nalilerpagut, Arnakkuluk Jo Kleist KNR-imut oqarpoq.

Allatut oqaatigalugu 1-imiit 10-mut nalilerluarneqarnera aaqqissuisut pitsaasumik nersualaarneqarnerit, misigisaallu sapaatip akunnera kingulleq toqqammavigineqarput.

- Takusinnaavarput tikeraartugut nuannisarluarsimasut, misigisimapput isumagineqarluarsimasutut, Arnakkuluk Jo Kleist KNR-imut taama oqarpoq.

Aamma atuaruk  VIDEO AWG-mut millionerpassuit atorneqartut iluaqutaalluarput

- Minnerunngitsumik Nunatsinni nunanit allaninngaanniit tikeraartorpassuagut. Assersuutigalugu allaffitsinnut ullumi (ippassaq ataasinngornermi) aqqusaarput qujaniarlutik, misigisaat nuanningaarmat,  Arnakkuluk Jo Kleist oqarpoq.

Arnakkuluk Jo Kleistip inuit unammiuuarnerit ingerlalluarnissaannut tunniussimalluarlutik suliaqarsimasut tulluusimaarutigai.

- Innuttaasut peqataarusuttut kivitseqataarusuttullu takuarput, pisortap tullia nassuiaavoq.

Ammaanersiorneq kinguartinneqartariaqarmat AWG-p aallartinngilaataa, unammiat tikinnaveermata sila peqqutaalluni ikiuerusuttut ersaripportaaq.

- Suleqatigut suleqatigilluarsimanngittuugutsigit iluatsissimanavianngikkaluarpoq.

Aamma atuaruk  Timersortartut siniffigisaat pilerngutiinnavippaat​

- Iluatsipparput suleqatigiilluarneq tunngavigalugu, kia suna suliarinisssaanut isumaqatigiissuteqarneranilu, Arnakkuluk Jo Kleist oqarpoq.

Massakkut unammiat kingulliit Nuummiit aallarput, torersaasinerlu aallartilluarpoq. Nalilersuinerit aallartinnginneranni qasuersaartariaqarpugut, nunarput tullissaanut aaqqissuisuulerpat Arctic Winter Games pitsaaneruniassammat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!