Avinngarusimanerusuni ilinniartitsunik atorfinititsiniartarneq ajornakusoortoq
Naak avinngarusimanerusuni ilinniartitsisussaleqineq pitsanngoriartoraluartoq, illoqarfinni mikinerusuni nunaqarfinnilu ilinniartitsisunik ilinniarsimasunik atorfinitsitsiniartarneq suli ajornarkusoortarpoq.
Allattoq Nathan Kreutzmann
februaarip 17-at 2017 15:47
Ilinniartitsisunngorniarneq ukiunik sisamanik sivisussuseqarpoq, ilinniarnerullu annersaa Nuummi ingerlanneqartarluni. Amerlasuullu ilinniartitsisutut ilinniarnertik naammassigaangamikku Nuummiiginnartarput. Ilinniartitsisorli illoqarfimmut mikinerusumut suliartussaguni aporfiusinnaasut arlaqartartut, IMAK-ip siulittaasuata maluginiarpaa.
- Ilinniartitsisut ilinniartitsisuunngitsumik aappallit illoqarfinnut nunaqarfinnullu mikinerusunut nuussagunik ilaannikkut suliffiit taakkua ilinniarsimasat inissaqartinneqartanngillat, taavalu angerlarsimaannarnissaq aappaasumut taanna soqutiginartorsuusanngitsoq eqqarsaatigineqarsinnaavoq, IMAK-ip siulittaasua Karl-Frederik Danielsen oqarpoq.
