Aviisi: IA Siumullu isumaqatigiissuteqarnissamut qanittuararsuusimagaluarput
Partiit taakku marluk politikikkut apeqqutit 96-97 procentii isumaqatigiissutigisimagaat, aviisi allappoq, aamma Sara Olsvig issuarneqarpoq Kim Kielsenilu politikkimut tunngatillugu susassareqatigiinnertik, partiit taakku marluk siulittaasuisa akornanni ukiuni arlalinni aatsaat taama pitsaatigisimasoq:
- Kim Kielsen ataatsimiinnerni arlaleriarluni taamaallaat 3-4%-it isumaqatigiinngissutigigigut oqartarpoq, Sara Olsvig Atuagagdliutinut oqarpoq.
AAMMA ATUARUK IA urani pillugu Kielsenimut naapeqatigiissutissaqarsimagaluarpoq
Paasissutissat Atuagagdliutit pissarsiarisimasaat naapertorlugit siamasissumik naalakkersuisoqatigiiliornissamut inuk ataaseq malunnaatilimmik akimmisaartitsisimavoq. Tassalu Kommuni Kujallermi borgmesteri, Jørgen Wæver Johansen.
Borgmesterimummi Siumumeersumut isumaqatigiinniarnerit inernerat pingaaruteqartorujussuuvoq. Minnerunngitsumik Qaqortumi mittarfiliornissamut tunngatillugu, immaqalu aamma Kuannersuarni uranisiorfissamut tunngatillugu, aviisi Atuagagdliutit taama allapput.
Aviisimi tusarfiit ilaat ima issuarneqarpoq:
- Kim Kielsen Karl Kristian Kruselu amerlasuutigut IA-p saqqummiussaanut anngaasarput, Jørgen Wæver Johansenili
ilequmisaartortarpoq. Taassumalu ilani aquppai.
AAMMA ATUARUK Olsvig: Kuannersuarni aatsitassarsiortoqalissappat IA-p akerlilersornavianngilaa
Jørgen Wæver Johansenip taama pissuseqarneragaanini Atuagagdliutinut ilumuunnginnerarpaa.
- Naalakkersuisunngortitsiniarluni isumaqatigiinniarnerni peqataasut arlallit ilagiinnarpaannga. Angusarpullu assut nuannaarutigivara, Kommune Kujallermi borgmesteri Atuagagdliutinut taama oqarpoq.
