Avatangiisinut suliniuteqartut akissarsitinneqarput

Ukioq manna akissarsitinneqartut tassaapput Aasarsiortarfik Naalersitaq, Nuummeersoq, kiisalu Qeqqualerisunngorniat Illukumi, Ikerasaarsummeersut. Akissarsisut tamarmik immikkut 50.000 koruuninik pissarsissasut, tusagassiuutini nalunaarummi allaaserineqarpoq.

Aasarsiortarfittut ukiuni kngullerni 40ni  ilisimaneqarluartoq nuannarineqartoq  

Hans aamma Jonna Sivertsenip, Aasarsiortarfik Naalersitaq allat peqatigalugit pilersinnikuuaat, Amerallup kangerluani pilersinneqarsimalluni.

Naalersitaq ukiuni 40-ni piusimavoq, meeqqallu, inuusuttullu ilaqutariillu aasat tamaasa aasarsiortarfimmukartarlutik. Pinngortitap avatangiisillu ataqqinneqarnissaat ilinniarneqartarpoq, taamaalillutik uumasut inuillu ukiorpassuarni suli nuannaarutaaqatigiissinnaanissaat suliniutigineqarluni. Kalaallit Nunaanni Brugsenip siulittaasua Aalipaaraq Kreutzmann ilaatigut taama tunngavilersuivoq.

Immap naasui tuniniarneqarput 

Akissarsitinneqartut aappaat tassaapput Qeqqualerisunngorniat Illukumi, suliniullu taanna Ikerasaarsummi aallaaveqarpoq, qeqqussallu tunisaasinnaanissannut suliniutaalluni.

Qeqqussanik ukiuni kingullerni pingasuni-sisamani katersineq misilittaavigalugu suliniut taanna ingerlanneqarsimasoq nalunaarutigineqarpoq, qeqqussanullu panersiinissamut poortuinissamullu atortussat aasamut tikissallutik.

Qeqqussat Ikerasaarsummi Iginniarfimmilu panerserneqartassapput, Qeqqualerisunngorniallu Illukumi Anthon Petersenimit Stephen Paulli Andersenimit ukiuni kingullerni suliniutigineqarsimalluni.

Aasarsiortarfik Naalersitaq Qeqqualerisunngorniat Illukumilu tamarmik immikkut tassa 50.000 koruuninik akissarsitinneqassapput.