Avatangiisinik illersuiniaq Danmarkimeersoq imaani piiasutut unnerluutigineqarpoq

Arnaq avatangiisinik illersuiniartoq Danmarkimeersoq, Anne Mie Roer Jensen, Greenpeacep umiarsuaani Arctic Sunrisemi inuttaasoq, illersuiniartut allat assingalugit Ruslandimi Murmanskimi eqqartuussivimmit imaani piiasutut maanna unnerluutigineqarpoq.
oktobarip 03-at 2013 05:17

Unnerluutigineqarnera Jon Burgwaldip, der er arktisansvarlig i Greenpeacemi Issittoq pillugu akisussaasuusup tupaallaatiginngilaa, imaanili piiasutut unnerluutigineqarnera tupaallaatigisupilussuullugu.

Greenpeacep ukiut 30-t sinnerlugit periaaserisarsimasaanut eqqissisimasumillu oqaaseqarsinnaanermut saassussineruvoq. Inuit nunarsuup pitsaanerulernissaanik ilungersuuteqartut 30-t taamatut eqqugaanerat ajorluinnartoq oqaatigaa.

Arnaq 26-nik ukioqartoq Arctic Sunrisemi aquttut pingajoraat, umiarsuarlu russit uuliasiorlutik qillerinerannut akerliussutsimik takutitsiartorluni issittup imartaanut angalasimavoq.

Illersuiniartut taakku sapaatit akunnerini marluk matuma siorna russit sinerissamik nakkutiilliisuinit tigusarineqarput - tamanna sioqqullugu uuliasioqatigiiffiup Gazpromip qillerivia ilaasa ikiffigisimavaat.