Avataanit suliffissarsiortut sukateriffiginiaraat

Avataaniit nunatsinnut suliffissarsiortut pillugu inatsit Naalakkersuisut sukaterniarpaat. Kommunalbestyrelsip qinnuteqaatit tamaasa aalajangiiffigisalissagaat anguniagaavoq.

Allannguiniarnerli sulisitsisulli peqatigiiffiata piffissaajaataasoraat.

-  Kommuni akissuteqartuaannanngimmat qinnuteqarnissamut piffissaliussaq allanngortinneqassappat sulisitsisoq nalornisilerneqassaaq, GE-mi inatsisilerinermut siunnersorti Lars Krogsgaard-Jensen oqarpoq.

Inatsit atuuttoq malillugu qinnuteqartoq ullut 14-it iluanni akissutisinngikkaangat, qinnuteqaataa akuerineqartutut nalilerneqartarpoq.

Qinnuteqaat kommunalbestyrelsimit ullut 14-it qaangiutsinnagit aalajangiiffigineqartassasoq piumasaqaataalissaaq. Qinnuteqaatit akineqanngitsut akuerineqaannartarnerat taamaasilluni atorunnaassasoq, Naalakkersuisut siunnersuutigaat.

Avataaniit sulisussarsiortarneq nunatsinni sulisussaaleqinermik peqquteqartoq, GE oqarpoq. Taamaammat sulisitsisut nunatta avataani sulisussarsiupallassinnaanissaat pingaaruteqarpoq.

- Sulisussaaleqigaanni sulisussarsipallannissaq qaqugulu sulisussaqalersinnaaneq paasilertussallugu pisariaqartinneqartarpoq, Lars Krogsgaard-Jensen oqarpoq.

Suliffeqarnermut Naalakkersuisoq oqaaseqartinniaraluaratsigu iluatsinngilarput.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!