Avannaani kujataanilu attaveqaatit kipisaqattaarsinnaasut

Avannaani attaveqaatit sakkortusaavimmut sukkanerusumut piareersartoqarnera pissutaalluni sapaatip-akunnerata massuma ingerlanerani sivikitsumik attaveeruttarsinnaapput. Tele-Post taama nalunaaruteqarpoq.
Assi © : Karolina Kabat/Flickr Creative Commons
septembarip 19-at 2017 07:27
Nutserisoq Mads Lynge

Qasigiannguit, Ilulissat, Uummannaq nunaqarfiilu septembarip ulluisa 20-annit 28-ata tungaanut oqarasuaatini nalinginnaasuni, mobilini, sinerissami radioni, timmisartunullu kiffartuussinerni attaveeruttarsinnaasut nalunaarutigineqarpoq.

Attaveeruttarnerit minutsini tallimanik sivisussuseqartarnissaat Tele-Postip naatsorsuutigaa.

Kujataani signalit aamma pitsanngorsarniarneqarput, attaveqaatillu sapaatip-akunnerata massuma ingerlanerani killilimmik signaleqassallutik.
Narsami pingasunngorpat septembarip ulluisa 20-anni ullup qiteqqunnerani mobilinut killilimmik signaleqassasoq Tele-Postip nalunaarutigaa.