Assi: Inge S. Rasmussen / KNR

Olsvig: Autismeqartut pisinnaatitaaffii qulakkeerneqassapput

Inuiaqatigiit innarluut ersinngitsoq, tassa autisme ilisimasaqarfiginerulissavaat taavalu aamma autismeqartut pisinnaatitaaffii qulakkeerneqassallutik. Isumaginninnermut naalakkersuisoq taama oqarpoq.

- Pisariaqavippoq autisme pillugu ilisimasaqarnerulernissarput, isumaginninnermut naalakkersuisoq, Sara Olsvig, oqarpoq.

Naalakkersuisup autisme pillugu marsimi ukioq manna ataatsimeersuarnerup malitsigisaatut sapaatip akunnera 41 ”meeqqat autismeqartut” qulequtaritippaa.

AAMMA ATUARUK Meeqqat autismeqartut innarluutilinnut sapaatit-akunneritinneqartumi qitiutinneqassapput

- Tassanilu peqataaninni takusinnaasimavara tusaasinnaallugulu angajoqqaarpassuit sullissisullu autisme pillugu inuiaqatigiinni ilisimasaqarnerulernissaq qanoq pisariaqartiginera eqqartoraat.

Taamaammat inuiaqatigiit autisme pillugu ilisimasaqarnerulerlutillu paasinninnerulissasut, naalakkersuisup neriuutigaa.

Autismelli sammineqarnera tamaanga killeqassanngilaq.

Sara Olsvig naapertorlugu innarluutillit, autismeqartut ilanngullutik, pisinnaatitaaffii, inuit innarluutillit illersuisortaavanit qulakkeerniarneqassapput, innarluutillillu pillugit inatsisip nutaap atuutilersinneratigut qulakkeerneqassallutik.

AAMMA ATUARUK Immikkut pisariaqartitsisunut ilinniagaqaq nutaaq

Inatsisissami, ukiup tulliani atuutilersinniarneqartumi, kommunit inarluutillit pisinnaatitaaffiinik malinninnissamut pisussaaffeqarnerulissapput, Sara Olsvig oqarpoq:

- Pitsaanerusumik sullinneqarnissaat anguniarlutigu, tassungalu ilaapput ersinngitsumik innarluutillit, soorlu assersuutigalugu autismertut. Tassanilu sullissilluarnerunissarput anguniarlutigu suliniutit taakku assigiinngitsut ingerlappagut.

Olsvig naapertorlugu innarluuteqarneq pillugu nuna tamakkerlugu sullissivissaq, Sisimiuni ukiaq manna ammarneqarpat, innarluutillit sullinneqarnerat pitsanngorsarneqassaaq. 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!