Australiamiut AWG 2016 nalilersussavaat
AWG2016-mi pisortaasoq, Maliina Abelsen issittumi ilisimatusarneq pillugu Aalborg Universitetiani sapaatip akunnerata naanerani uani ataatsimeersuarnermi, oqalugiarnermini erseqqissarpaa Arctic Winter Games-eqartarneranik annertuumik suliniuteqartarnerup qimerloornissaa pingaartuusoq.
- AWG2016 Kalaallit Nunaat avammut nittarsaannissaanut pilerinarnerusunngortissinnaavarput. Inuiaqatigiillu aamma immikkuullarissumik nukittorsarlugit. Taamaattumik pisoq annertooq, suliniutinut allanut assersuutigalugu ilinniarfigilluarsinnaavarput, Maliina Abelsen oqarpoq.
Suliani piginnaasanik ineriartortitsineq, nittarsaassineq, tapersersuineq aamma peqataatitsineq Kalaallit Nunaata AWG2016- imertitsinerminit qanoq ilikkagaqarfigisimaneraa, Aalborg Universitetip Queenslandimilu Universitetip qimerluualaarlugu nalilersussavaat, Maliina Abelsen naggasiivoq.