Nunat Avannarliit Siunnersuisoqatigiiffiat: Atuakkanik nutserinermut tapiissutit amerlanerusut
Innersuunneqartummi ajugaasullu atuakkiaasa nunat avannarliit oqaasiinut allanut nutserneqartannginnerat ajornartorsiutaavoq, Ilisimasanut Kulturimullu tunngasunut ataatsimiititaliap siulittaasua, Jorodd Asphell, taama isumaqarpoq.
NRK-p naatsorsuinera naapertorlugu atuagaq ataasinnguarluunniit norgemiut danskillu oqaasiinut nutserneqarsimanngilaq, pingasut islandimiut oqaasiinut nutserneqarsimanngillat tallimallu finlandimiut savalimmiormiullu oqaasiinut nutserneqarsimanatik. Nunani avannarlerni atuakkianik kalaallit saamillu oqaasiinut aamma maannamut nutserisoqarsimanngilaq.
AAMMA ATUARUK Avannarliit Siunnersuisoqatigiiffianni oqaatsit atorneqartut naligiissikkusukkaat
Atuakkamik nutserisoqassanersoq atuakkanik naqiterisitsisarfinnit aalajangerneqartarpoq, taamaammat niuernikkut pissutsit aalajangiisuutinneqarnerusarput. Immikkulli ilisimasallit naapertorlugit amerlanerusunik aningaasaliissuteqartoqarnera atuakkanik amerlanerusunik nunat avannarlermiut oqaasiinut nutserisitsinissamut kajumissaataasinnaavoq.
Tapiissutit amerlinissaannik siunnersuut Nunat Avannarliit Siunnersuisoqatigiiffiata novembarip aallartinnerani ataatsimeersuarnerani oqaluuserineqassaaq.
