Attaveqarfissamik tuniniaavimmik pilersitsisoqarnissaa Pallep suli neriuuteqarfigilluarpaa
- Inatsisartut amerlanerussuteqarlutik ammanerulersitsiniarnermut kinguarsaaniartut ajuusaarutigaarput. Pissutsit taamaapput, taamaakkaluartorli suliarput ingerlatiinnassavarput, Palle Christiansen oqarpoq.
Aamma atuaruk Nalunaarasuartaateqarnermik ammanerulersitsiniarneq unitsinneqarpoq
Copenhagen Economicsimit nalunaarusiaq taassuma innersuussutigaa. Nalunaarusiortut naapertorlugit Nunatsinni nalunaarasuartaateqarnermik ammanerulersitsisoqarpat nunatta karsia 69-it 112 millionit koruunit akornanni iluanaaruteqassagaluarpoq.
Aamma atuaruk Mobili: Tele-Post annilaangasaarivoq
- Qinikkat nutaamik eqqarsarnissartik qunugimmassuk aningaasat taakku inuiaqatigiit annaassavaat.
Inatsisartullu Naalakkersuisut avaqqullugit aalajangiinerat kukkuluttornerusoq, taanna isumaqarpoq.
- Naalakkersuisut ammanerulersitsinissamut piumalluinnarnertik takutittariaqarpaat. Tamanna Naalakkersuisut aalajangigassaraat, aningaasaqarnermullu ataatimiititaliaq taakkununnga akuersisussaavoq. Inatsisartut aalajangigassarinngikkaluarpaat, tamannalu pillugu qinikkat atorfilinnit ilisimatinneqartussaagaluarlutik.
Attaveqarfissamik tuniniaavik, Mobili, Palle Christiansenimit, Kim Schwartzimit Lars Andersenimillu ukioq kingulleq septembarimi pilersinneqarpoq.
Palle Christiansen Naalakkersuisunut Inatsisartunullu ilaasortaanikuuvoq.