VIDEO Atorfilittat sulinerat Aleqap pisuutippaa
Kukkunersiuisut oqaaseqaataanni allaqqavoq malittarisassanik unioqqutitsisutit. Taanna ersarinnginnami inatsisiliortutut qullerpaartartut atuarsinnaallugu unioqqutitsisoqartoq ilinnit?
Atorfilittat unioqqutitsinermik tunngaveqartumik sullissisimasut
- Kukkunersiuinermut ataatsimiititaliamut apuunneqartut ilisimaarivakka, aamma taamannak nalilersimanerat ilisimaarivara.
- Takusinnaallugulu aamma kiffartuunneqartarnitsigut, ilaquttagut ilaannikkut bestiiliissunneqarsinnaanerinut kiffartuunneqartarpugut. Uanga takorloorsimanngilara taamatut unioqqutitsinermik tunngaveqartumik kiffartuunneqartarsimanerput, Aleqa Hammond taama nassuiaavoq.
Siumoortumik eqqartuusseqqusinngilaq
- Kukkunersiuinermut ataatsimiititaliap qulaajagassani qulaajassavai, taanna piareertinnagu eqqartuussinnginnissamut nammineq uanga isumaqarpunga pingaaruteqartuusoq.
Isumaqarama suliaq eqqissilluni suliarineqartariaqartoq torersumik inuiaqativut toqqissisimasumik atugassaqarnissaat qulakkeerniarlugu, Aleqa Hammond oqarpoq.
Inuiaqatigiit toqqissisimasumik atugassaqartinnissaat siuttuuffigerusuppaa
Inuiaqatigiit arlallit oqaatigaat tatiginassutsit innarlerneqartoq, qanoq ilillugu uterteqqinneqarsinnaava?
- Isumaqarpunga pingaaruteqarluinnaartuusoq isornartorsiorneqarneq, pissusissamisoorpoq, akisussaaffimmik tigusisoqartariaqarpoq.
- Aamma suliap inernissaa tikillugu najorlugulu suliaralugu ingerlanneqartariaqarpoq, inuiaqatigiit toqqissisimasut atugassaqartinnissaat siuttuuffigisariaqaratsigu.
