Atomimik qaartartorsuit peerneqarnissaannut suliniaqatigiiffik eqqissinermut nersornaatisisoq
Nobelip eqqissinermut nersornaasiuttagaa suliniaqatigiiffimmut Icanimut ukioq manna tunniunneqassaaq. Atomimik qaartartorsuit peerneqarnissaat suliniaqatigiiffiup taassuma aallutaraa. Norgemi Nobelkomité taama nalunaaruteqarpoq.
Allattoq Ritzau
oktobarip 06-at 2017 08:08
Nutserisoq Mads Lynge
- Atomimik qaartartorsuit kingunerisinnaasai pillugit Ican suliniuteqarpoq, atomimillu qaartartorsuit inerteqqutaalernissaanut suliniuteqarluni. Tamanna pillugu eqqissinermut nersornaammik tunineqassaaq, Nobelkomité nersornaasiiniarnermi taama ilaatigut tunngavilersuivoq.
- Atomimik qaartartorsuit atorneqaratarsinnaanerisa nalaanniippugut, aatsaallu taama immaqa aarlerinartigaluni, Nobelkomitép siuttua Berit Reiss-Andersen oqarpoq.
Ican inuinnarnut sunniuteqarniartutut imminut taagorpoq, suliniaqatigiiffiit namminersortut nunanit 100-nit amerlanerusuneersut sinnerlugit suliniaqatigiiffiunerarluni. Australiami tunngavilerneqarpoq, suliniaqatigiiffittullu Wienimi pisortatigoortumik 2007-imi saqqummiunneqarluni.
