Atomimik nukissiorfiliornissaq siunnersuutigaat
Aviisi Alaska Dispatch nittartakkamini taama allaaserisaqarpoq.
Issittumi illoqarfiit nunaqarfiillu generatorinik dieselitortut atorlugit innaallagissamik ullumikkut pilersorneqartarput. Taamaaliornikkut mingutsitsisoqartarpoq, innaallagissamillu pilersuisoqarnissaata Issittumi annertusiartuinnarnera eqqarsaatigalugu, ikummatissallu akiisa qaffakkiartuinnarnerat eqqarsaatigalugu, nukissiuutit allat atorneqarnissaat eqqarsaatersuutigineqartariaqartut, Alaska Dispatchip allaaseraa.
Russit suliffeqarfiata OKBM-ip atomip nukinganik nukiliorfimmik puttasumik sanaleruttornera, Dunedin Energy Systemsip tikkuartorpaa. Nukiliorfik taanna innaallagissamik 70 megawattimik pilersuisinnaassaaq. Nunavummi kuultisiorfiit ilaat Meadowbanks generatori dieselitortoq atorlugu innallaagissamik pilersorneqarpoq, taannalu 26 megawattiulluni, Iqaluillu assinganik atuinermigut 12 megawattiinnarnik pilersorneqarluni.
Nunat assigiinngitsut 15-it atomip nukinganik nukiliorfimmik puttasumik attartorsinnaanertik eqqarsaatersuutigigaat, nittartakkap Nuclear Threat Iniative-ip allaaseraa.
