Atlantikup avannaamiut folketingemut ilaasortaatitaat Aleqap ataatsimeeqatigerusuppai

Folketingimi ilaasortat Atlantikup avannaamiut ataqatigiissaakkamik suliassanik suleqatigiissuteqarsinnaanissaat, tamatumunnga tunuliaqutaalluni, tassa qinikkat sisamaasut akornanni pituttugaanngitsumik suliassanut aalajangersimasunut atatillugu suleqatigiittoqarsinnaanissaa siunnersuutiginiarneqarluni.

- Sjúrdur Skaalep aamma Magni Argep Savalimmiut sinnerlugit Folketingimi inissinnerat maanna aatsaat qulakkeerlugu paasivarput. Suliassani suleqatigiinnerup tamatsinnut nukittunerulersitsisumik aamma isumaqatigiinniarnerni iluaqutaasussamik Siumumit suleqatiginnikkusuppugut. Suliassatta ataqatigiissaarnissaat aamma pitsaanerpaamik oqaloqatigiittarnissavut siunissami pingaartippakka, Aleqa Hammond tusagassiuutinut nalunaarummini taama allappoq.