Atassutip Inuusuttai nutaanik siulersuisortaartut
Atassutip inuusuttaasa kattuffianni Sisimiuni qanittukkut ataatsimeersuartoqarpoq.
(Tunorlit saamimmit) Magnus Kivioq Siulersuisuni ilaasortaq, Aqqalu Jerimiassen Siulittaasoq, Qulutannguaq Berthelsen Siulittaasup tullia.
(saarliit talerpimmit) Malu Ostermann siulersuisuni sinniisussaq tulleq, Arnannguaq Lennert Siulersuisuni sinniisussaq siulleq, Emma Lennert Aningaaserisoq, Miiannguaq Lundblad Allatsi.
Allattoq Simon Uldum -
aggustip 30-at 2016 06:26
Atassutip inuusuttaasa kattuffianni tallimanngornermi aggustip 26-ani nalinginnaasumik ataatsimeersuartoqarpoq, tassungalu atatillugu siulersuisunik nutaanik aamma toqqaasoqarluni. Atassutip Inuusuttaasa kattuffianni siulittaasoq Aqqau Jerimiassen, tusagassiorfinnut naatsumik nalunaaruteqarluni taama allappoq.
Siulersuisussat nutaat Hotel Sisimiuni ataatsimiinnermi toqqarneqarput ukiunilu tulliuttuni pingasuni atuutissallutik, tassaallutik:
Aqqalu Jerimiassen, siulittaasoq, Qulutannguaq Berthelsen, siulittaasup tullia, Magnus Kivioq, siulersuisuni ilaasortaq, Emma Lennert, aningaaserisoq, Miiannguaq Lundblad, allatsi, Arnannguaq Lennert, siulersuisuni sinniisussaq siulleq kiisalu Malu Ostermann, siulersuisuni sinniisussaq tulleq.
