Atassutip Inuusuttaasa qineqqusaartitassai
Atassutip Inuusuttaasa inuusuttoqatimik ilinniarsinnaanissaat, suliffimmik misiliiffissaqarnissaat suliffissaqarnissaallu ilaatigut sulissutigerusuppaat.
Inuusuttut ilinniartut ilinniarnerminni atugassarisaasa pitsanngornissaat, Nunarpullu tamakkerlugu suliffimmik sungiusarfeqarsinnaanissaat sulissutiginiarpaat.
- Ilinniarnerullu ingerlanerani sungiusaatigalugu suliffiusinnaasut ataavaartut sinerissami tamarmi pilersinneqarnissaat Atassutip Inuusuttaasa sulissutiginiarpaat, Atassutip Inuusuttai KNR-imut taama nalunaarput.
Ilinniarsimasut sumilluunniit nunatsinni suliffeqarfinnit siulliullugit sulisussarsiarineqartarnissaat aamma Atassutip Inuusuttaasa sulissutigerusuppaat.
Atassutip Inuusuttaasa pingaarnertut siulittaasortik, Masauna Peary, qineqqusaartinniarpaat.
Atassutip Inuusuttaanit qineqqusaartut allat tassaapput:
Karen-Louise G.Jørgensen.
Qulutannguaq Berthelsen.
Aqqalu Jeremiassen.
Bentiaraq Ottosen.
Kaj-Peter Heinrich.