Atassut saarullittassiissutit amerlineqarnissaannik piumasaqartoq
Partiip saarullittassiissutit tamakkerneqartullu, tassalu novembarip 19-iani, taamatut saaffiginnissuteqarsimanini innersuussutigaa.
AAMMA ATUARUK Sinerissap qanittuani saarullinniarneq ullumi unissaaq
- Atassummit naatsorsuutigaarput Naalakkersuisut nalunngikkaat sineriassuatta imartaani saarulliit kusanartorsuit amerlasoorsuillu takkusimaartut, taamaammallu piujuaannartitsinissamik tunngaveqarneq innarlinngikkaluarlugu pisassiisoqaqqissiinnaakutsoortoq, Atassut allakkamini ammasuni taama allappoq.
Innuttaasut suliffissaaruttut
Tunitsiviit tunisassiorfiillu arlallit saarullileriffiusut tunisoqarunnaarnera pissutigalugu matusariaqarsimasut partiip tunngavilersuutigaa. Tamanna assersuutigalugu nunaqarfimmut Sarfannguanut atuuppoq, tassanimi innuttaasut sulisinnaasut maanna suliassaaruteqqapput, naak nunaqarfiup avataani imartaq saarullippassuaqaraluartoq.
AAMMA ATUARUK Saarullittassat ileqaqqinnissaannik politikerit piumasaqaqqittut
Kiisalu aamma ilanngullugu oqaatigineqarpoq Naalakkersuisut qinersinerup naammassineqarnissaata tungaanut inuiaqatigiit ingerlaannarnissaat isumagisariaqaraat. Taamaammallu Atassutip Naalakkersuisut iliuuseqaqquai, kaammattuummi Atassutip siulittaasuanit Knud Kristiansenimit atsiorneqartumi taama allassimavoq.
