Ataatsimoortumik tapiissutit ikilisarnissaat IA-p siunnersuutigigaa
Nunatta naalagaaffimmit tapiissutit isumalluutigiinnartariaqanngilai. Inuit Ataqatigiit siulitittaasuat, Sara Olsvig ukiortaami oqalugiaammini taama oqarpoq.
Allattoq Jonas Fievé
januaarip 04-at 2016 06:12
Nutserisoq Ivik Kristiansen
Nunatta aningaasanik isertitsinissaanut periarfissaqarpallaarpasinngikkaluartoq, naalagaaffimmit tapiissutit qanoq amerlatiginissaat pillugit Sara Olsvig oqallitsitserusuppoq.
- Danmarkimut aningaasaqarnikkut isumaqatigiissutip imarisai aatsitassarsiornermut tunngassuteqarpallaartoq isumaqarpugut. Ukiumi aggersumi naalagaaffimmit tapiissutip aatsitassarsiornermit isertitassanit millinissaa utaqqiinnarnagu qanoq millisarsinnaaneripput Inatsisartuni oqallisigisariaqarparput.
Nunarput akisussaaffimmik annerusumik tigusisinnaaniassammat naalagaaffimmit tapiissutit ukiumut 10 millioninik ikilineqarsinnaasut Sara Olsvig assersuusiorluni siunnersuuteqarpoq.
