Assi: Nils Baum/Bureau for Inatsisartut

Ataatsimiititaliat angerlaqquneqartut

Inatsisartuni Aningaasaqarnermut Akileraartarnermullu ataatsimiititaliaq aamma Sanaartornermut ataatsimiititaliaq maanna Danmarkimi Savalimmiunilu angalasut angalanertik unitsillugu ingerlaannartumik Kalaallit Nunaannut angerlartinneqassasut Inatsisartut Siulittaasoqarfiat tusagassiuutinut taama nalunaaruteqarpoq.

Ataatsimiititaliat marluk Kalaallit Nunaannut angerlartinneqarnissannut aalajangerneq sapaammi oqarasuaatikkut ataatsimiittoqarnerani pivoq, Uummannap eqqaani  ajunaarnersuarmik eqqorneqarnerata kingorna.

Inatsisartut Siulittaasoqarfianit ataatsimiititaliat taakkua marluk kiisalu Ilaqutariinnermut Peqqissutsimullu Ataatsimiititaliaq qinnuigineqarput  piaartumik Ilulissiaqqullugit Ilulissanilu allaffigigallagassaminnik pilersitseqqullugit pisut qaninnerpaamik malinnaaviginissaat ikiuunissaamullu piarersimanissaq eqqarsaatigalugit,
Inatsisartut Siullittasoqarfiat tusagassiuutinut nalunaruteqarluni taama allappoq.

Naalakkersuisut Siulittaasuat Kim Kielsen maanna Danmarkimiittoq piaartumik Kalaallit Nunaanut utissaaq,  
Inatsisartullu siulittaasoqarfianiit Naalakkersuisut siulittaasuat Kim Kielsen qinnuigineqarpoq piaarnerpaamik
Uummannamut Nuugaatsiamullu orniguteqqullugu  ajoqusiinerit annertussusiat nammineq takusarlugu minnerunngitsumillu pisumi alianartumi innuttaasut eqqugaasut najoriartorlugitk,  Inatsisartuni siulittaasoqarfik sinnerlugu Inatsisartut siulittaasuat Lars-Emil Johansen tusagassiuutinut nalunaaruteqarluni taama allappoq.

Naalakkersuisut Siulittasuat Kim Kielsen tusagassiuutinut nalunaaruteqarluni allappoq pilersaarutigalugu  periarfissaqaleruni Naalakkersuisunut ilaasortaq Erik Jensen peqatigalugu ajunaarfiusumut eqqaanullu angalaniarlutik.

 

 

 

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!