Assiliisartup torrallatani saqqummersippai
"Grønland - Dyrenes og Menneskenes Land" - "Kalaallit Nunaat - Uumasut Inuillu Nunaat"-nik kalaallisuunngortinneqarsinnaasoq - uumasut inuillu assinginik tupinnaannartunik imaqarpoq, assiliisartup Nunatsinni ukiut arlallit assilisimasai.
Atuagaq nunannarineqaqisoq nittartakkami Arktiske Anmeldelser-imi atuarneqarsinnaavoq.
- Aana angut, uumasunut, pinngortitamut Kalaallit Nunaannullu asannillunilu nallittortoq, atuakkami tamanna takuneqarsinnaavoq. Allaannginnami taassuminnga atuakkiornissaq Carsten Egevangimut pisariaqarluinnarsimasoq, atuakkanik nutaanik allaatiginnittartoq, Steffen Fog, nittartakkami allappoq.
Carsten Egevang Pinngortitaleriffimmi ulluinnarni sulisuuvoq, imeqqutaallat sivisoorsuarmik ingerlaartarnerannik assiliornini ilaatigut ilisimaneqaatigalugu.
Atuakkap saqqummerneranut atatillugu Kalaallit Københavnimi Illuutaanni ilassinnittoqassaaq, atuakkiortorlu nammineq najuutissaaq atuakkiaminik atsioqattaassalluni.
Atuagaq qallunaatut tuluttullu saqqummissaaq.
