Assiliisartup aapakaap assilisaanut piginneqqaartussaatitaanera aalajangerneqartoq

Assiliisartup aapakaallu piginneqqaartussaatitaaneq pillugu saqitsaassuteqarnerat nalinginnaasuunngitsoq kiisami inerneqarpoq.
Aapakaaq ima ittoq kingorna tusaamasanngortumik assiliisuuvoq Assi © : Michelle Bender/Flickr Creative Commons
Allattoq Karsten Sommer
septembarip 13-at 2017 09:53
Nutserisoq Simon Uldum -

Indonesiami kiattup orpippassuini 2011-imi aallartippoq, aapakaap makakkip Narutomik taaguutillip assiliisartoq David Slater assiliissutaanik arsaarmagu.

Aapakaaq imminut assilivoq, tamannalu kingorna assimut piginneqqaartussaatitaaneq pillugu saqitsaassuteqarnermik kinguneqarluni - tamatumanilu inuk maanna ajugaatinneqarpoq.

David Slater aapakaap assilisaanik piginneqqaartussaatitaalluni aalajangiusimaannarsimavaa.

Uumasunik illersuiniaqatigiiffiup Petap aapakaaq imminut assilinermigut assimik piginneqqaartussaatitaasariaqarsoraa, aapakaaq nammineerluni assiliisimammat.

Illuatungeriit saqitsaassuteqarnerat 2014-imi pilerpoq, illuatungeriillu maanna kiisami isumaqatigiissuteqarput: David Slater assimut piginneqqaartussaatitaassaaq.

Assimulli tunngatillugu aningaasatigut siunissami isertitami 25 procentii suliniaqatigiiffinnut aapakaat najugaannik illersuiniaqatigiiffiusunut Indonesiamilu aapakaanik makakkinik allanik illersuiniaqatigiinnut tunniuttassavai.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq