Assi: GHF

Assammik arsartartut Danmarkimi VM-ertoqalerpat peqataarusuttut

Kalaallit assammik arsarlutik nunanut allanut unammisartui amerikap nunavittaani unammiuaarnernut piareersalereerput VM-imullu peqataanissaq suli anguniagaavoq.

Assammik arsarlutik nunanut allanut unammisartut Nuummi sungiusarlutik katersuunnerat naammasseqqammerpoq.

Amerikap nunavittaani assammik arsarluni unammiuaarnerit Nuummi aappaagu ingerlanneqarnissaannut piareersaatitut arsariaatsit unamminermilu periaasissat sungiusarneqarput.

- Unammisartut ataasiakkaat ineriartortinnissaannik unammisartoqatigiillu nunani tamalaani unamminerni amerlanerusuni peqataatinnissaannik suliassaq sivisooq maanna ingerlapparput, assammik arsarlutik nunanut allanut unammisartut sungiusaasuat, Niels Møller, KNR-ip timersorneq pillugu aallakaatitassiaani taama oqarpoq.

Unamminerit amerlanerusut neriuutigaat

Danskit nunanut allanut unammisartut inuusuttaat Nuummi juunip qaammataani unammisussaavaat, aamma Islandimiut  nunanut allanut unammisartut inuusuttaasa unammiarsinnaanissaat sungiusaasup neriuutigaa.

Unammisartoqatigiit nunani tamalaani unammisaqattaarnerisigut Amerikap nunavittaani unammiuaarnerni pitsaanerit pingasut akornanniillutik anngunnermikkut 2019-imi VM-ertoqalerpat peqataanissaat anguniagaavoq.

Niels Møllerip unammisartussani sapaatit-akunnerini tulliuttuni toqqartussaavai, nunatsinnilu pissartanngorniunnerit maajimi ingerlanneqareerpata juunimi unammeqataasussat toqqarneqassapput.

- Unammisartut taamaalilluta tamaviaartissavagut. Qasujaallisarluarsimassapput, aamma timigissartarfimmi unammiffimmilu pitsaasumik ineriartortariaqarput. Tassa imaappoq, nunatsinni pissartanngorniunnerit naammassereerpata aatsaat unammisartussavut pitsaanersiorlugit toqqartussavagut, tamannalu sioqqullugu toqqaareertoqassanngilaq.

Nunatsinni unamminissaminnut naatsorsuuteqatigineqartut

Tallit nukittuujunissaat saassusseriaasissallu kisiisa sulissutigineqassanngillat.  Namminermi unammisarfimmi unammissagaanni eqqarsartaatsikkut piareersarluarsimanissaq aamma pingaaruteqarpoq.

- Misigisassaq angisuupilussuuvoq, aamma unammisartut Nuummi Inussivimmi immaqa 1800-nik isiginnaartoqarlutik unammilerunik naatsorsuutigineqarlutik tamaviaartariaqassapput.

Nunanut allanut unammisartut VM-imut anngunnissaminnut periarfissaat pitsaasuusut Niels Møllerip aamma oqaatigaa, Argentinap Brasiliallu maanna unammisartuisa pitsaanerpaaffissartik angoreermassuk, Brasiliamiullu pitsaanerorpasillutik.

- Taamaattorli Kalaallit Nunaat nunarsuaq tamakkerlugu pissartanngorniuunnernut ilaassagaluarpat suli tupaallannartuusssaaq. Pisussaannartummi inngilaq.

- Nunalli eqqaasakka pingasut nallersinnaaleraluttuinnarpagut, nunanut allanut unammisartut sungiusaasuat oqarpoq.

Danmarkimi VM-ertoqarnissanut peqataanissaq anguniagaasoq

Kajumissuseq pigineqarpoq. Nunarsuaq tamakkerlugu pissartanngorniunnerit Danmarkimi pisussaapput, nunarpullu sinnerlugu Danmarkimi unammeqataasinnaanissaaq tamaviaarnerulersitsivoq.

- Unammisartunut tamarmik tamanna misigerusutaraat, tamannalu tamaginni malugisinnaavarput.

 

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!