Angutit inuusuttut assammik arsartartut nunatsinnit nunanut allanut unammisartut Amerikap nunavittaani pissartanngorniunnerni massakkut peqataasut Brasialiamiunut nal. 19.00-miit unammilissapput.
Brasiliamiunut unamminerup inernerata aalajangissavaa nunatsinneersut VM-imut ingerlaqqissanersut.
Tassami nunatsinneersut unamminerminni siullerni marlunni ajorsarsimasut ingerlaqqissagunik Brasiliamiunut unnugu ajugaasariaqarput.
Unamminerni tullerni nunatsinneersut siullermik Argentinamiunut taavalu Puerto Rico-rmiunut unammissapput.