KNR TV Asilipé

KNR TV-ip tallimanngornermi ilaqutariinnut aliikkutassiassaa nutaaq tallimanngorpat 29. september 2017 nalunaaqutaq 20:00 pernaammik toqqaanartumik akunneq ataaseq sinnilaarlugu sivisussuseqartoq  aallakaatinneqassaaq.

Asilipé aliikkutassiaavoq ilaqutariit kalaallit tallimanngornermi unnoqqaakkut TV-kkut aliikkutas-saqartinniarlugit.

Saqqummiisuusussat ilisarisimaneqareersut misilittagaqarluartullu aliikkusersuinerup silarsuaanit nalunngisavut tassaapput:

Jens Jakob Lennert-Sandgreen (JJ) (Tjæj Tjæj) Stand up-ertartutut ilisarisimaneqartoq, mobilinullu app-ilortartutut silarsuarmi aamma ilisarisimaneqarluni.  Aviiseerarlu ukiorpaaluit matuma siorna sapaatip akunnikkaartumik Nuummi saqqummersittarsimavaa ateqartoq: Tiu Tiu.

Hans Jukku Noahsen, Aliikkusersuisartoq/ Nipilersortartorlu siornatigut KNR-TV-mi arlalinnik aliikku-tassianik suliaqartartutut ilisarisimavarput, ilaatigut: TAMASSA, PIGGAPPAAT, ILU? Il.il. 

Ilanngutassiaaqqat quianartuliat Glen Møllerimit suliarineqartut takutinneqartassaapput, taakkulu videoliat ilaatigut quiassuaatiginninnernik imaqartarnissaat ilimagaarput.

Glen Møller nipilersornikkut siunissaqarluartut ilagaat, aliikkusersuinikkulu aamma siunissami ilippanaateqarluarluni.

Asilipé naatsumik imarisassai taasinnaavagut:

Pulaartut nuannersumik quianartumik oqaloqatigalugit, isiginnaartartut SMS-ikkut  aningaasarpassuarnik eqquiniaanissaanik periarfissaqartillugit, videonik ilanngutassiaaqqat takuneqarsinnaallutik, aallakaatitallu ingerlanerani pinnguaatit aamma aliikkutaritinneqartassapput. Aallakaatitassiap naalernerani illoqarfiit arlaanniit aamma inuit piffimmut aaliangersimasumut arpaliutsinneqartassapput,  siulliulluni apuuttoq pinnatassaqassalluni, taannalu mobilit atorlugit aallakaatinneqartassaaq aamma toqqaannartumik.

SMS-inillu eqquisut aallakaatitap naggaterpiaani tulleriissillugit makinneqartassapput.

SMS-ikkut eqqugassat:  
Siulleq: 4.000,- kr.
Tullia: 6.000,- kr.
Pingajuat: 10.000,- kr.

   
Asilipé ukiariatorneraniit juulliliivinnera tikillugu aallakaatinneqassaaq. Pilersaarutaavorlu aallakaati-tassiaq naggaserlugu juulliliivinnerani naggataarnersiorneqarumaartoq pisarnermik annertunerusu-mik, taamatullu SMS-ikkut eqqugassat uissuumminarnerit sassaalliunneqarumaarlutik.

Aaqqisussuisut:

Malik Kleist 
Hans Jukku Noahsen
Carsten Christensen

 

 

Trailer ASILIPÉ tallimanngorneq sep. 29-at 20:00

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!